Outback

10 Tag lang bini mitere Gruppe vo Adelaide nach Alice Springs greist. Hie e chline Usschnitt vo daem wo mir erlaebt hei:

So het ueses Nachlager aube usgseh:

Hie simer ire Aborginal Community gsi u oepper vo de Mitglieder het ues die traditionelli Gsichtsbemalig mit Ockerfarb zeigt.

Das isch dr Lake Eyre, eine vo de groesste Salzsee in Australie

E Opal-Mine im beruehmte Stedtli Coober Pedy

Wunderschoeni Ussicht am frueche Morge ir Painted Desert.

Hie simer im geografische Zentrum vo Australie

Dae Stei kenne gloub aui, hie wunderschoen beluechtet bim Sunneungergang

Die aebefaus bekannte Olgas oder o Kata Tjuta bim Sunneufgang

D Klippe vom Kings Canyon

Reptile Centre

Di letschte zwoe wuche hani ir Adelaide Hills Wilderness Lodge verbracht. Lueget saeuber wasi derte aus fuer Tierli atroffe ha:





Ig u d'Heidi (e naetti Englaenderin wo o dert gschaffet het) mit zwoei chline Baby-Mues. Haerzig sisi di chline cheibli, aber leider aende si aui aus schlange-fuetter.



Dr Jasper, ds private Huustier vo de Bsitzer. Aer wird nume einisch im monet gfuetteret, denn aber richtig, mit 15 Ratte.

U das isch z angere Huustier, dr Cabal, aer isch oeppe so gross wines jungs Pony... u o so schwaer !!

Das isch e Blue Tongue Lizard. 5 vo dene si zuegloffe u hei jez im ne aute Raegetank es neus deheim.

Das isch dr Jack, aer het immer viu z verzeue gwuesst u isch e ungloublichi gwungernase.

Hie bini im Snakeroom mitem Zircon, ere 'Diamante' Schlange.

Ufemne Maerit woni bsuecht ha, hani ere Frou wo sech um verwaisti Kangaroos kuemmeret doerfe haeufe. Si si eifach ungloublich haerzig, di Joeys. Hie ufem Biudli hani es 7 Monet jungs Red Kangaroo ufem Arm, wo immer no im Buetu isch.

Farm life

Hie si es paar Impressione vo daem schoene Ort wo ig im Moment verwiile:



Mini zwoe Gasteutere, dr Ian u d Debbie


Dr Ian mitem Fisch wo ig gfange ha (ig hane nid woeue ahruehre, ha lieber z foto gmacht ;o)



Sunneufgang woni vo mim Huesli us jede Morge gseh

Die wunderschoeni Gaegend um ds Land ume

Di zwoe stoerrische Pony ;o)

'Maeh' =)

Great Ocean Road and Kangaroo Island

hallo zaeme..

wi doch d zyt vergeit, jez grad (18.2) isch d nadine schowider im flugzueg richtig schwyz. mir hei e super zyt gha u hei viu schoeni sache uf uesem waeg gseh. hie es paar usschnitte:

Mir zwoe vor de beruehmte 12 Apostle wo eigentlich nume no 9 si..

D London Bridge wo nach dr aechte benannt worde isch, aber sit si ir mitti abenangbroche isch nuem viu aehnlichkeit mit dere het.

Eine vo de vile Koalas, ungloublicherwiis sogar wach (si schlafe bis zu 20 stung am tag)

Es Wallaby am Suennele

E See so blau, me gloubts fasch nid. u wi dir a de wulche gseht, es isch nid d spiegelig vom himmu..

Mir zwoe uf de Sandduene, im Hingergrund z Meer

Eine vo de zahlriche Salzsee i dere Gaegend

River Torrens in Adelaide

D Skyline vo Adelaide

Das isch eine vo de Seeloeie am Seal Bay uf Kangaroo Island. So schnuesig di mues me eifach gaern ha..

The Remarkable Rocks..

Dr River Murray, chli usserhaub vo Adelaide. Dae isch zuestaendig fuer d Wasserversorgig vor ganze Stadt u dr Pegel isch sehr toeif..

Ussicht uf Adelaide u z Meer vom Mount Lofty Summit


Das waers fuer dismau, i maeude mi wider sobaud i neui foeteli ha, vo wo weisi no nid ;o)

liebs gruessli a aui

Die zweite Haelfte...

Jetz isch uese Trip z viert mitem Camper ouscho wider verbi. Si geit doch cheibe schnaeu di zyt..

Nach Syney simer duer z inneland id Houptstadt Canberra gfahre, u hei dert drue Tag bim ne usgwanderete Schwyer, am ne schuelkolleg vom Papi verbracht

Das isch dr Usblick ueber di ganzi Stadt vom Husbaerg vo Canberra:

Di Australischi Flagge ueberem Parlamentshuus:

Di schoeni Ussicht vom Hotel Flynn us ;o)

Nach Canberra simer wider zruegg ad Kueste gfahre u si no a paar haerzige Fischerdoerfli verbi cho, wi Merimbula oder Lakes Entrance

Nach Phillip Island womer sogar no Pinguine hei beobachtet und emne ufenthalt in Tidal River, isches naer zu uesere letschte Station, Melbourne gange

Hie isch uese Roger oscho gstange, leider i daem Jahr weniger erfolgrich aus oscho..

Skyline vo Melbourne

St. Pauls Cathedral, eini vo de schoenere Chiuchene ir Innestadt..

ja jetz isch dae abschnitt oscho verbi, mir hei e super zyt gha u fuer d nadine u mi geits jez de no witer richtig adelaide =) liebs gruessli a aui

Es paar Usschnitte

Scho sit meh aus zwoe wuche simer jez z viert mit uesem Camper ungerwaegs u hei natuerlich scho soo viu schoens vo daem Land gseh. Fuer euch e chline Iblick i das z gae si hie es paar Foetli..

Das isch ueses Fortbewegigsmittu, nid immer ischer gloffe winer haett soeue. aber so langsam macht er doch was mir wei.

Dr wunderschoen beach vo Byron Bay, eini vo uesne Hautsteue ufem Waeg dr Ostkueste entlang..

... and we were there ;o)

Di haerzige Delfine hei d Nadine u ig ds Coffs Harbour troffe

Es isch eifach genial gsi u e chline Troum isch i erfuellig gange

Uf dr Hafemuur vo Stockton mit Blick uf z Lighthouse vo Newcastle

Das kenne gloub aui, z beruehmte Operehuus vo Sydney

und di aebefaus bekannti Harbourbridge


Im moment simer no in sydney womer no e Tag blibe u naecher geits witer nach Canberra u Melbourne. Mir freue ues uf das wo no aues chunnt u gaebe aune deheim ir schwyz e liebe gruess..