Australia Zoo

Hallo zaeme..

Gester, am 6. Oktober bini mit paar kolleginne i Australia Zoo gange. Es isch e suuper usflug gsi, aendlich ha ou ig kangaroos u koalas choenne gseh. Ei Tag elei isch fasch z churz gsi fuer aues z gseh, aber mir hei u fun gha!!

Di zwoe fotos si mitem Wahrzeiche vo Australie. Es isch u schoen gsi, ig haett nie daenkt dasme kangoroos tatsaechlich darf aruehre u so, aber es isch eifach eis riiese gheg gsi mit x-kangaroos u si si aui frei umeghoppset (oder ender umeglaege wueus so heiss isch gsi) =)

Das isch es Foto vomne krokodil. es het am morge sone show gae mit schlange, voegu, u aebe crocs. D Frou ufem biud isch d terry irvin, am steve irvin (crocodile hunter) sini frou. im ganze zoo si biuder vo ihm, wue aer het dae zoo ja gruendet u isch letscht jahr gstorbe. sini zwoe ching heimer ou gse, sini tochter het ire show mitgmacht u dr sohn isch uf dr tribueni ghocket ;o)

Mini persoenliche Lieblinge: d Koalas. Di si eifach sooo herzig, mir hei gar nuem vo ihrem gheg waeg woeue. Ds Highlight isch natuerlich gsi, dasi mit eim vo ihne ha doerfe es foteli la mache. Es isch u guet cho, ha e grosse abzug dervo becho, ha dae jez mau gfoetlet, hoffe dir choeit oeppis druff erkenne ;o)

Ja das waers ou scho wider, hoffe dir heiget froeid a dene paar foteli. Ig hoffe, dasi di Tierli ou no i freier Wildbahn gseh (auso, aui ussert d krokodil) ;o)

liebs gruessli

carole